Түрэһэн үдэрөөр / buryad.fm

Түрэһэн үдэрөөр
хүг. Баярхүүгэй
үг. Саян Жамбаловай

Түрэһэн үдэрш - сэдьхэлдэм хэтэ,
Жэлэй дүрбэн сагай 
Жэгтэй гансал һайхан үдэр. 
Үдэрэй һанаан, үзэсхэлэн зүүдэн,
Нюдэнэйм сэсэгы - Наран-Гуа шимни.

Дабталга:
Талын баглаа сэсэг баряад,
Түрэһэн үдэрөөрш амаршалнаб.
Түби дэлхэй дээр ялардаг
Мүшэд - шамдаа.
Талын баглаа сэсэг баряад,
Түрэһэн үдэрөөрш амаршалнаб.
Түби дэлхэй дээр ялардаг
Түмэн мүшэд - шамдаа.

Урал дээрэшни - үглөөнэй шүүдэр,
Улаалзай сэсэг. Хасар дээрэшни -
Улаанхан наран.
Дангинамни, дурыем соносыш,
Дуратай сэдьхэлээ нюужа шадахалгүйш.

Дабталга

Улаалзай сэсэг хасар дээрэшни - 
Улаанхан наран
Жэлэй дүрбэн сагай
Жэгтэй гансал һайхан үдэр-
Түрэһэн үдэр, түрэһэн үдэр, түрэһэн үдэр…

Дабталга