Маҥнайгы таптал

Тохсунньу тымныытын саҕана
Таптааммын сааскыны билбитим,
Тырымнас сибэкки кэриэтэ
Маҥнайгы таптал диэн кэрэтин.

Хос ырыата: 

Маҥнайгы таптал, эн аптааххын,
Эн дьикти уостубат күүстээххин.
Бэл күн-дьыл тумана, тумана
Эйигин баһыйан сүтэрбэт.

Баар эбээт маҥнайгы тапталга
Күн сирин үтүөтэ-күндүтэ,
Тапталым ол истиҥ көрүүтэ,
Бастакы мин ырыам төрүөтэ.

Хос ырыата.

Билигин даҕаны мин түүлбэр
Маҥнайгы тапталым көстөҕүн,
Алҕаска таарыйбыт тарбаҕыҥ
Сылааһын билэргэ дылыбын.