Туган авылым (-)

1. Елга ага борма-борма,
Аннан тауга борыла.
Тау янында минем авыл
Урман белән орына.

КУШЫМТА:
Җир йөзендә авыллар күп,
Тик минеке бер генә.
Иң гүзәле, иң матуры
Туган авылым син генә.

2. Ерак түгел, тирәсендә
Чишмә, күлләр, әрәмә.
Ак мамыктай каз-үрдәкләр
Сибелгәннәр чирәмгә.

КУШЫМТА.

3. Болыннарга чәчәкләрдән
Гөлләр генә түшәлгән.
Тирәкләрдә сандугачлар
Быел тагын ишәйгән.