Эх, кайтып бер йырлар инем!(А.Юнусов)

1.Тыуған яҡҡа ҡайтһам әгәр,
Күңелем ҡанатлана.
Бала-сағым иҫкә төшөп,
Хәтерҙәр ҡабатлана.

ПРИПЕВ: Эх,ҡайтып бер йырлар инем,
Тыуып үҫкән яғыма.
Моңдарымды бирер инем,
Минең ғәзиз халҡыма.

2. “Ҡан тартмаһа,йән тарта”- тип,
Ата- бабайҙар әйткән.
Тыуған йортто ҡайтып күрәм,
Һағ(ы)ныуым сиккә еткән.

3. Тыуған яғым- алтын бишек.
Беҙҙе һөйөп үҫтергән.
Бар тәбиғәт шишмә һыуы,
Беҙгә көс-ҡеүәт биргән.