Æз нал агурын амонд

Æз нал агурын амонд,
Мæн нал агайы цин.
Дæ фарсмæ цыд мæ аууон, ―
Дзæгъæлдзуйау фæци.

Бæргæ ма иу хатт бауарз,
Куыд уарзтон æз кæддæр.
Дæ цæстытæн ма бануаз
Сæ цинæй дзаг цæхæр.

Фæлæ ма ахæм амонд
Кæмæ хауы, кæмæ?
Дзæгъæлдзуйау мæ аууон ―
Уый бадзæгъæл дæумæ...

Бæргæ ма иу хатт бауарз,
Куыд уарзтон æз кæддæр.
Дæ цæстытæн ма бануаз
Сæ цинæй дзаг цæхæр.

Уæд райгæсыл цæттæ дæн,
Фæлæ йæ зонын раст ―
Дæ риуæй дæр æддæ дæн,
Дæ зæрдæйæ дæр баст.

Фæлæ ма ахæм амонд
Кæмæ хауы, кæмæ?
Дзæгъæлдзуйау мæ аууон ―
Уый бадзæгъæл дæумæ...