Рицкъанаш делира кхуллуш вай ирс

Цхьаммо дошаьлла безамах лаьцна
Хийламо ша тайпа хаздина и
И хесто и бийца соьга а кхаьчна
Муьлханиг дош керланиг лаха аса вайна?
 
Хьан б1аьргийн к1орга ч1ург дийналлехь яйна
Цхьа к1еззиг хан яхьа елира йиш
Да виса вай уьйраш вовшех ца тайна
Рицкъанаш делира кхуллуш вай ирс
 
Со-м реза хиллера хьо воцуш яха
Дахарехь вуьззина ца хилча хьо
Вита и вицве аш соьга ма баха
Кхетийша, и воцуш дуьне ца го
 
Ма хаза кхоьллина хилла хьо везар
Ма товш ду хьогахь и хьан башха куц
Доьху, ма кхардалахь со хьайга хьежар
Ца 1аба бахьна ду дуьхьал хьо гуш