Назик къызлар

Меним козьлерим бу гедже
Кенеде козьяшненъ толу,
Довгъып , оськен ерлеримден
Савлукълашмакъ вакъыт олду.

Азиз бабам, джаным анам
Манъа кедерли ве бакъарлар
Не япарсын, бойле дунья
Къушчыкъ ювасындан учар

Бу ачыкъ севги дуйгъусы
Манъа яш йигитнен къысмет,
Янъы омюр, янъы аят
Олур эр къызнынъ омрюнде.

Азиз бабам, джаным анам
Манъа кедерли ве бакъарлар
Не япарсын, бойле дунья
Къушчыкъ ювасындан учар

Дюльбер антер, мараманы
Бутюн гедже азырладым,
Агъламанъыз аначыгъым,
Къызынъыз келин оладжакъ

Азиз бабам, джаным анам
Манъа кедерли ве бакъарлар
Не япарсын, бойле дунья
Къушчыкъ ювасындан учар