Карагай. (Л.Һаҡмар шиғыры, Резида Мухаметзянова көйө)

ҠАРАҒАЙ
Л.Һаҡмар шиғыры  Р.Мөхәмәтйәнова көйө

Әй тулҡынды елгә, беҙҙе күргәс,
Тәҙрә ҡаршындағы ҡарағай,
Йөрәктәрҙе өҙгөләмә, тинек,
Ярамай бит улай, ярамай!

Ҡушымта:
Мөхәббәтте ярһыу була, тиҙәр,
Кемдең йәне һиндә, ҡарағай?
Өнһөҙ серләшкәндә ут-ҡараштар
Тәрнәйә һағыш-яралар…
Әй ҡарағай, уйсан ҡарағай,
Ярамай бит улай, ярамай…

Һине генә, һине яҡын күрҙем,
Хыялымдан бергә атланым,
Серҙәш иттем әле ҡарағайҙың
Тәҙрәм ҡаршыһына баҫҡанын.

Ҡушымта.

Был ни ғәжәп, сайҡалыуҙан йөҙәп,
Тынып ҡалған бөгөн ҡарағай?
Ғашиҡ бер йән өҙөлөп һөйгәненең
Күҙҙәренә гүйә ҡараған.

Ҡушымта:
Мөхәббәтте ярһыу була, тиҙәр,
Кемдең йәне һиндә, ҡарағай?
Өнһөҙ серләшкәндә ут-ҡараштар
Тәрнәйә һағыш-яралар…
Әй ҡарағай, уйсан ҡарағай,
Ярамай бит улай, ярамай…