Ярууна (Еравна)

Үгэнь Г. Чимитовэй

Хүгжэмынь А. Андреевэй

 

Хадаараа, хүбшөөрөө харгытай

Халюунхан Ярууна нютаг.

Хүбүүдэй хүлые дүрөөдэ

Хүргөөшэ Ярууна нютаг.

 

Хамаг зонойшни жаргал золые

Халуун үгөөрөө магтанабди.

 

Талаараа, нугаараа нэмжыһэн

Талмайхан Ярууна нютаг.

Адууһа малай тоо нэмээһэн

Аршаанта Ярууна нютаг.

 

Түмэн зонойшни түрүү солые

Түүрээн юрөөжэ магтанабди.

 

Зугаагаар, дуугаараа согтойхон

Зулайхан Ярууна нютаг.

Хүгжэлтын жэшээе харуулһан

Хүгжэмтэ Ярууна нютаг.

 

Арад зонойшни агуу хүсые

Арюун сэдьхэлһээ магтанабди.