ГлавнаяИсполнителиЗагасан ширээт тамгаЭки аттар
название:

Эки аттар


автор:

Загасан ширээт тамга


рейтинг: ★★★★★ / 4.8 / 762 просмотра
Чүгүрүктүң бажынайда 
Чүген суглук шыңгыр-шыңгыр 
Чүден артык сарыым сактып 
Чүлдү-чүреем шимир-шимир 

Эки доруум бажынайда 
Эзер чүген шыңгыр-шыңгыр 
Эрге-карам чажынайда 
Чавагазы чайыр-чайыр 

Хемчик хемни өрү челген 
Хертеш-ойнуң чоруу-ла-дыр 
Кежее боорга чаңнап келир 
Хеймеримниң чаңы-ла-дыр 

Карбап карбап челип орар 
Кара-доруум челижи-дир 
Каттыраңнап чаңнап орар 
Карам-эжим чаңы-ла-дыр 

Аъдым бажы мөңгүн чүген 
Адаарганчыг-дыр бе, бажа? 
Анай-караң менде турар 
Алыксанчыг-дыр бе, бажа? 

Алдын эзер, чүген, суглук 
Адаарганчыг-дыр бе, бажа? 
Алдын-караң менде турар 
Алыксанчыг-дыр бе, бажа? 

Оглаа-дайның бажынайда 
Суглук дээрбек шыңгыр-шыңгыр 
Ортун-карам чажынайда 
Чавагазы чайыр-чайыр 

Саарында демдек баскан 
Сараламны мунуксаар мен 
Салаазында билзек суккан 
Сарыым кыска дужуксаар мен

Послушать/Cкачать эту песню
Mp3 320kbps на стороннем сайте
А как ты думаешь, о чем песня "Эки аттар" ?
2010-2020 © WebKind.Ru Тексты песен