Asyl ana

Самайдағы, ақ шашыңның әр талына қарызбын,
Еш нәрсемен өтелмейді – ау парызым.
Жауаптымын, жанарыңнан, сырғанаса тамшы жас,
Маған, бәрі сын.
Ауырмашы, аман жүрші, көз алдымда көрініп,
Арамыздан ұзамашы бөлініп.
Көңіліңе қаяу түссе, шырылдайды – ау жүрегім,
Жаным, егіліп...
Асыл ана, жаулығы желбіреген,
Асыл ана, жүрегі елжіреген.
Асыл ана, жаулығы желбіреген,
Асыл ана, жүрегі елжіреген.
Ақ тілекшім, ақжолтайым, ақ жүректі анашым.
Бәйек болып, қабағымды бағасың,
Сан айналып, өтсем дағы, таба алмаспын әлемнен.
Сендей жанашыр.
Есейсем де, аңсатады алақаның аялы,
Еске салып сәби күнді баяғы.
"Айналайын" деген сөзің жүрегімде анашым,
Мәңгі қалады...
Асыл ана, жаулығы желбіреген,
Асыл ана, жүрегі елжіреген.
Асыл ана, жаулығы желбіреген,
Асыл ана, жүрегі елжіреген.