Самал тау

Самал тау, қайран елім (өскен елім), шалқар көлім,
Не болар солдат болып көрген күнім,
Есіме қайта-қайта түсе бердің,
Кір-жуып, кіндік кескен қайран жерім (туған елім)

Қайырмасы:
Атты емеспіз, жаяумыз, 
Жаяудан да баяумыз, 
Он бес күндей (сөтке) жүргенде, 
Омбы жаққа таяумыз.

Жасым бар қос мүшелдей, жылым – сиыр
Тағдырдың айдауымен кеттім қиыр
Самал тау, қайран жерім (елім) артта қалды
Адасқан өрісінен біз бір үйір

Қайырмасы:
Атты емеспіз, жаяумыз, 
Жаяудан да баяумыз, 
Он бес күндей (сөтке) жүргенде, 
Омбы жаққа таяумыз.
 
Әке-шешем бар еді,
Жасы жеткен кәрі еді,
Осынау әнге салдырған,
Он алтының зары еді...