название:
автор:
Си Адыгэбзэ
автор:
Маремуков Хусен
рейтинг: ★★★★★ / 4.8 / 750 просмотров
- Текст
- Открытка с текстом
Уи бзэр бзууэ пlэщlэкlамэ, Кlэлъылъати къэпхъуэтэж. Ар уи щlэблэм lурыпчамэ, Къэтlи мащэ итlысхьэж. Ежьу: Къэтlысыт сибгъукlэ, си анэ дыщэ, Гущэкъу уэрэдкlэ къызэlущащэ. Сэ псэуэ сиlэр, ар си анэбзэщ, Ар си анэбзэ, си адыгэбзэщ. Пщэдджыжь нэхулъэм вагъуэр полъэлъри, Къуалэбзуубзэр мэхъур пшынэбзэ. Бзум я бзэ дахэр сфlощl си анэбзэ, Ар си анэбзэ, си адыгэбзэ. Ежьу Жыгей мэзыжьу жьым къигъэушым, Ныдэуэршэру псынэр мэушэ. Псынэ lущащэр сфlощl си анэбзэ, Ар си анэбзэ, си адыгэбзэ. Ежьу Гъатхэ накъыгъэм щlыр игъэпсалъэу, lурхэр бэвыгъэу къызэрылъалъэм. Щlылъэм lурылъыр сфlощl си анэбзэ, Ар си анэбзэ, си адыгэбзэ. Ежьу
А как ты думаешь, о чем песня "Си Адыгэбзэ" ?