Эйт эле (Әйт әле. +текст)

Күзләрең, сөйкемле күзләрең, 
Үзеңә карата, карата. 
Сүзләрең ягымлы, сүзләрең, 
Хисләрне тарата, тарата. 

Әйт әле,  әйт әле,  әйт әле 
Яратам диеп. 
Калыйк без мәхәббәт илендә 
Назга күмелеп. 

Сагышлар, борчулы сагышлар, 
Бетәләр таралып, таралып. 
Бар дөньям, кадерлем, шул сүздән 
Китә бит яктырып, яктырып. 

Сөюең, ялкынлы сөюең 
Җылытсын күңелемне, күңелемне. 
Әйт әле, тагын бер кабатла 
Тылсымлы сүзеңне, сүзеңне.