Уалдзыгон зараг (сл. Т. Кокаев, муз. Б. Кокаев)

Уалдзыгон зарæг — 
Зæрдæты кадæг — 
Амонды рухсдæр бындур. 
Судзгæ ыстъалы 
Цæхæртæ калы, — 
Мæнæн та уый у мæ хур. 
Кæсын дæм, кæсын дæм 
Æдзухдæр æнхъæлмæ, 
Дæуæн мæ зæрдæ дæттын. 
Худгæ хур — рухстауæг — 
Æрзилы нæ сæрмæ, 
Ферттивы амонды тын. 
Дæумæ бæлгæйæ, 
Дæумæ цæугæйæ 
Федтон, куыд рæсугъд у бон. 
Уарзоны фынтæ, 
Мæ сусæг фæндтæ 
Фæзæгъын дæуæн æргом. 
Сæумæйы стъалыйау 
Ды зилыс мæ сæрмæ 
Æмæ мын амонд хæссыс. 
Кæсын дæм, кæсын дæм 
Æдзухдæр æнхъæлмæ, — 
Ды куы дæ мæ уарзты ныфс. 
Кæй дæ агурын, 
Кæй дæм фæдзурын — 
Ма хæсс, ма мæм хæсс фау. 
Бамбар мæ хъуыды: 
Сусæг рæвдыды 
Никæй ма уарзтон дæуау.