Ак пароход

Ак пароход 
Саит Абдуллин көе Разил Вәлиев сүзләре

Идел буйлап ак пароход килә.
Иркәм, миңа ак бәхетләр телә.
Ак пароход ялгызларны табыштыра,ак пароход
Йөрәкләрне ак пароход кавыштыра.

Шатлык төяп ак пароход килә.
Бөтен дөнья бүген уйный-көлә.
Ак пароход сагышларны тараттыра,ак пароход
Мәңгелеккә ак пароход яраттыра.

Талгын гына ак пароход килә.
Акчарлаклар җырлый безнең көйгә.
Ак пароход дәшә ерак ил гизәргә,ак пароход
Алып бара ак пароход диңгезләргә.

Дулкын ярып ак пароход килә.
Серләреңне дулкыннарга сөйлә.
Ак пароход ак хыяллар бүләк итә,ак пароход
Ак бәхеткә ак пароход алып китә.