Тотиты Акимы зарæг

Уæй, нæ хæхбæстæ нын,
Уæй, куы не ’фсадынц хорæй.
Уæй, хорз Аким куы бадзуры:
«Цæуон быдырмæ
Мæ сабитæн хор лæсынмæ».
Уæй, мæнæ тох!

Уæй, Ходы къуылдымтæ
Уæй, далæ нæ куы ласынц.
Уæй, хорз Аким куы бадзуры:
«Мæнмæ мæ сабитæ
Æнхъæлмæ куы кæсынц».
Уæй, мæнæ тох!

Уæй, Елхоты дзедыр
Стыхст йæ хъæддаг балтимæ.
Уæй, хорз Аким куы бадзуры:
«Ауадзут мæ
Мæ фæллад галтимæ».
Уæй, мæнæ тох!

Уæй, фæззæджы мигъы бон,
Уæй, мæ фæндаг æрцахста.
Уæй, хорз Аким куы бадзуры:
«Гозымы-фырт мæ фæстейæ
Мæнгардæй æрбахста».
Уæй, мæнæ тох! 

Слова и музыка народные 

«Музыкальная культура осетин» © 2012 [bad word] ossmus
¯¯\/¯¯¯¯¯¯¯¯¯
☻/
/▌
/ \