Уремыште ош лум лумеш

Уремыште ош лум лумеш,
Йӱштӧ теле кылмыкта.
Мыйын кӧргыштӧ шӱмем шортеш,
Уло чоным йӱлата.
Мардеж кынелын кас велеш,
Чыла корным петыра.
Тыйым таче весе вашлиеш, 
Шижам, тудо йывырта.

А лум лумеш, а лум лумеш,
Лум пырче мландыш кам возеш.
А шӱм йӱла, а шӱм йӱла,
Садланак тыйым шарныкта.
Садланак тыйым шарныкта

Памаш дек вӱдлан воленам,
Теле вӱдым кылмыктен.
Тылат мый чотак келшенам,
Ала мо жо мондыктен.
Но кече мландым ырыктен,
Чыла лумым шулыкта.
Мыйын йӱлышӧ шӱмым тумыштен,
Чонем жапым ургыкта.

А лум лумеш, шулен пыта,
Лум пырче вӱдыш савырна.
А жап эрта, а жап эрта,
Шӱмемже эркын тӧрлана,
Шумемже тыйым вет монда. /2 гана