ГлавнаяИсполнителиНеизвестенEl me gatt
название:

El me gatt


автор:

Неизвестен


рейтинг: ★★★★★ / 5.1 / 1059 просмотров
El me gatt

(Il mio gatto)
1963
Ivan Della Mea

l'han trovàa distes in mezz a i orti
i oeucc a eren ross e un poo sversàa
me piasaria savè chi l'è quel ostia
che al me gatt la panscia al g'ha sbüsàa.

L'era insci bell, insci simpatich
negher e bianch, propri on belée
se ciapi quel che l'ha copàa
mi a pesciàa ghe s'ceppi 'l dedrée.

I amis m'han dit «L'è stada la Ninetta
quella cont la gambetta sifolina
l'emm vista in mezz a i orti ier marina
che la lümava 'l gatt cont on cortel». 

L'è malmostosa, de brüta cera,
e l'ha g'ha on nas svisser e gross
vedella in gir fa propi péna
e tücc i fioeu ghe dann adoss.

Incoeu a l'hoo spetada in via Savona
dopo mezdì, quand lee la torna a cà
ghe sont andàa adrée a la barbona
e in sü la gamba giüsta giò legnàa.

Hoo senti on crach de ossa rott
l'è 'ndada in terra come on [bad word] 
lee la vosava «oi mamma mia»
me sont stremì, sont scapàa via 

Stasera voo a dormì al riformatóri
in quel di Filangieri al numer düü
m'han dàa del teddy-boy, del brütt demoni
mi sont convint istess d'avegh reson.

Se g'hoo de divv, o brava gent
de la Ninetta me frega niént
l'è la giüstissia che me fa tort
Ninetta è viva, ma el gatt l'è mort,
l'è la giüstissia che me fa tort
Ninetta è viva, ma el gatt l'è mort.

Послушать/Cкачать эту песню
Mp3 320kbps на стороннем сайте
А как ты думаешь, о чем песня "El me gatt" ?
2010-2020 © WebKind.Ru Тексты песен