TOP песен исполнителя
"Янка Купала"
"Янка Купала"
название:
автор:
жанры: poetry, belarusian
Выйдзі (44)
автор:
Янка Купала
жанры: poetry, belarusian
рейтинг: ★★★★★ / 5.1 / 1118 просмотров
- Текст
- Открытка с текстом
Ўстань ты, старонка, родная маці! Годзе зімовага рабскага сну, Годзе табе ўжо слёзна ўздыхаці, — Выйдзі на поле, на сенажаці, Выйдзі спаткаці вясну! Скінь лахманы, што доўгія векі Ты валачыла з кастры, з палыну; Выйдзі з-пад дзікай зімняй апекі, Што над табою строіла здзекі, — Выйдзі спаткаці вясну! Вырылі сцюжы віхрамі, снегам Яму глыбоку табе не адну; Снежныя насыпы мела начлегам... Глянь, снягі таюць, рэчкі йдуць бегам... Выйдзі спаткаці вясну! З поўначы сівер кідаў табою, Як абадрану з лістоў галіну; З захаду зверы йшлі чарадою Рваць твае грудзі... Выйшла жывою, — Выйдзі ж спаткаці вясну! Дзетак тваіх скрозь крыўдай сляпілі, Мучылі, гналі без часу ў труну, Казак вучылі, што ты ў магіле, Толькі ж бліск сонца здраду асіліў... Выйдзі спаткаці вясну! Ясна, святочна ў красы ўбярыся, Птушкай свабоднай сягні ў вышыну, З сонцам злучыся, зорамі йскрыся, Песняй распейся, славай акрыйся, Выйдзі спаткаці вясну! Сплецену з церняў маеш карону, Хорам твой — неба і нівы краса, Царства ў чатыры дрэмле староны, Слугі — мазольных рук міліёны... Выйдзі... Чакае вясна!.. 1912
Это интересно:
Іван Луцэвіч нарадзіўся ў фальварку Вязынка Вілейскага павета ў сям'і арандатара. Паходзіць са збяднелай шляхты. Старэйшы продак па бацьку ўпамінаецца ў дакументах XVII ст. Маці — рубяжэвіцкая шляхцянка Бянігна Луцэвіч.Скончыў Беларуцкае народнае вучылішча (1898). Пасля смерці бацькі (1902) працаваў на гаспадарцы, потым хатнім настаўнікам, пісарам у судовага следчага ў Радашковічах... подробнее
А как ты думаешь, о чем песня "Выйдзі (44)" ?