Приидите Ублажим Иосифа. Стихера в Великую Субботу. Знаменный роспе, глас 5

Приидете ублажим Иосифа приснопамятнаго, иже в нощи к Пилату пришедша, и Живота всех испросивша. Даждь ми Сего страннаго, иже не имеет где главу подклонити. Даждь ми Сего страннаго, Егоже ученик лукавый на смерть предаде. Даждь ми Сего страннаго, Егоже Мати зрящи на Кресте висяща, рыдающи вопияше, и матерски кричаше. Увы мне Чадо мое, увы мне, Свете мой, и утробо моя возлюбленная. Симеон бо прорече, сбысться днесь глаголющее в церкви. Твое сердце оружие пройдет. Но в радость Воскресения Твоего плач преложи. Покланяемся Страстем Твоим Христе, покланяемся Страстем Твоим Христе, покланяемся Страстем Твоим Христе и святому Воскресению. (3 земных поклона).