Волгыдо йоратымаш

Тый ит мале шошо йӱдым –
Сылнылык йырваш мыняр!
Шӱдыр-влак чӱкталтыт лӱмын,
Чӱчкалтат тылат йорган.

Припев:
Вуйым ит саке ӧкымеш,
Чонет пиал ден темеш.
Вет вуча тыйым, йолташ,
Волгыдо йӧратымаш.

Тый ит мале шошо йӱдым –
Пиалет мален кодат.
Сад-пакчаштыжат сар шӱшпык
Шӱшкалта лач мыланнак.

Припев.

Тый ит мале шошо йӱдым –
Садыш лектынам мыят.
Да лекметым ӧрын, лӱдын,
Вучалтем волгыжмешкат.