Айт,айт,лаппута!!!

Райсомы бонмæ ма кæсут,
Райсом цы уыдзæн, чи зоны…
{Джызæлы уынгты ауайут,
Амонд æрцахсут идонæй.} x2

Дысоны бонмæ ма здæхут,
Цардæн куынæ ис уромæн.
{Джызæлы уынгты ауайут,
Гæрахтæ кæнгæ ливорæй.} x2

Базард:
Гъæйтт-гъæйтт, лæппутæ, абоны
Сыр-сыр кæнгæйæ бæгæны,
Ма йæ ныууадзут райсоммæ
Сынкыздзæни дзæгъæлы.
Гъæйтт-гъæйтт, лæппутæ, абоны
Цъыс-цъыс кæнгæ физонæг,
Ма йæ ныууадзут райсоммæ
Фасмон кæндзыстут
фидæныл.
Гъæйтт-гъæйтт, лæппутæ, абоны
Лæпп-лæпп кæнгæйæ чъиритæ,
Ма сæ ныууадзут райсоммæ
Акувут сæ хистæртæ.

Рæсугъд чызджытæм ма кæсут,
Фыдуындтæ, дам, фылдæр ысты.
{Джызæлæй чызг æрбахæссут,
Уæ цардæй исты фендзыстут.} x2

Мæлæты бонмæ ма кæсут,
Дардæй фæтæвды зарджытæй.
{Джызæлы уынгты ауайут,
Амдзæгъд лæппутæ кафджытæн.} x2

Базард.