Мөхәббәт урманы

МӨХӘББӘТ УРМАНЫ.

Йөрөйөм  әле, йөрөйөм,

Мөхәббәт  урманында.

Төрлө  яҡҡа киткән  һуҡмаҡ,

Торамын  уртаһында.

           Ҡайһы  һуҡмаҡты һайлаһам,

Һиңә  юлығыр юлым…

Йөрөр  инем шул  һуҡмаҡтан

Ҡулыңдан  алмай ҡулым…

           Ялан  ситендә ултыра

Матур  балан ҡыуағы.

Тәлгәштәре – ҡыҙыл  ирен,

Ут – ялҡындыр  ҡосағы.

            Өлгөргән  балан ҡыҙы  ла

Көтә  өзөр ҡулдарҙы.

Тылсымлы  һөйөү урманы

Сыуалтҡан  шул юлдарҙы.

            Һиңә  талпынған күңелде

Тыялмай  алға барам.

Мөхәббәтем  урманында

Һине  тапҡансы ҡалам.