Napule ca se ne va (dialetto napoletano)

so' sbarcate 
'nterra Marechiaro
tre cumitive 
'e vascio a Sanita'
So' doje coppie 
'e 'nnammurate,
doje maeste 'ngannaccate
cu 'e marite e nu cumpare
viecchio "capo e suggita'"
che tavula speciale:
'nterra 'o cato 
cu 'a frutta e 'o vino,
nu mellone dint''a cantina,
'o cumpare dint''a cucina
ca "discute" 
cu 'a "principale".
'a luna guarda e dice:
"Si fosse ancora overo!
Chistu e' 'o popolo 
'e na vota:
gente semplice e felice
chist'e' Napule sincero
ca pur'isso se ne va.."
Divotamente mo 
se fanno 'a croce,
comm'e ll'usanza, 
primma 'e accummincia'
'O cumpare ch'e' 'struito,
fa nu brinnese "in pulito"
Lle risponne, a una voce,
tutt''a tavula: "addo' va!"
'zie' Rosa ca se cunzola
pe' sti "suone" 
ca so' venute
pe''sta voce 
ch'e' "fina e bella",
p''a canzone 
ch'e' "palummella"
Palummella ca zompa e vola 
'a luna guarda e dice:
"Si fosse ancora overo!
Chistu e' 'o popolo 
'e na vota:
gente semplice e felice
chist'e' Napule sincero
ca pur'isso se ne va.."
'tre famiglie 
tornano vucanno,
nu poco fatte 
a vino tutt'e tre
'varchetta 'e ccunnulea,
na maesta scapuzzea
'O cumpare parla 'e quanno
quanno 'o guappo era nu rre
'figliole, 
pe' sottaviento,
mo se fanno na zuppetella
cu 'e tarlle 
'int'a ll'acqua 'e mare
Ll'acqua smoppeta, 
frange e pare
ca 'e mmanelle 
so' tutte 'argiento
'a luna guarda e dice:
"Si fosse ancora overo!
Chistu e' 'o popolo 
'e na vota:
gente semplice e felice
chist'e' Napule sincero
ca pur'isso se ne va.."