Шернур корнет – корнет кужу

Шернур корнет – корнет кужу,
Ноенат вет, йолташем.
Айда лучо пырля шинчын каналтена да.
Тыят тора, мыят тора,
Коктын ваш ужын онал,
Айда лучо пырля шинчын кутырена.
Толын от шу шонышым,
Ужде лиям шонышым,
Толынат гын салам лийже, йолташем, да.
Пурла кидым ваш кучалын,
Ӱмыр мучко келшен илаш,
Еҥ шомаклан пураш огыл, йолташем.
Ужаргалеш садернаже,
Шарлалеш лышташыже,
Олыкышто пеледыш пеледалтеш да
Кукужат муралталеш,
Шӱшпыкжат шӱшкалталеш.
Эх, йолташем, шӱм-чонетлан кузе чучеш.
Кудыр вуян сур кукулан куэр лийже да
Порсын вуян сар шӱшпыклан ломбер лийже,
Кеҥеж умыр касетлан шуко мурына лийже,
Чон йӧратен мутланаш ешна лийже,
Кеҥеж умыр касетлан шуко мурына лийже,
Чон йӧратен мутланаш ешна лийже.