Адиюх

Дызэрыцlыкlурэ дызэпылъи, уэй, си lэдииху
Сызэрыцlыкlурэ фlыуэ слъагъур ар си lэдииху
И чэзумэ дыщынэсым, уэй, си lэдииху
Илъэс пlалъэ къызыботыр, уэй, си lэдииху
Шыр куэбжэшхуэм нызохулlэр, уэй, си lэдииху
Куэбжэ лъагэми изогъалъэр, уэй, си lэдииху
Дыныдожри дыножьэжыр, уэй, си lэдииху
Гъуэгу мыцlыхумкlэ доунэтlыр, уэй, си lэдииху

Мэз адакъэр къыхолъэтыр, уэй, си lэдииху
Шыр щlолъэтри усфlеукlыр, уэй, си lэдииху
Мы жыг щlагъым ущlызолъхьэр, уэй, си lэдииху
Хьэкlэкхъуэкlэм усфlашхынущ, уэй, си lэдииху
Мы жыгыщхьэм утызолъхьэр, уэй, си lэдииху
Къуалэбзухэм усфlашхынущ, уэй, си lэдииху
Уэ фи унэ усхьыжынут, уэй, си lэдииху
Уиядэ-уиянэр уи хьэрэмщ, уэй, си lэдииху
Сэ ди унэ уэ усхьынут, уэй, си lэдииху
Хамэ хьэдэр зехьэгъуейщ, уэй, си lэдииху

Дэнэ мыгъуэм уэ усхьыну, уэй, си lэдииху
Дэнэ мыгъуэм уэ усхьыну, уэй, си lэдииху