Караужа авылы кое

Карауҗа авылы көе

Татар халык җыры

Тәрәз ачып җимнәр чәчтем,
Килде ике күгәрчен.
Килде дә ике күгәрчен,
Килде сезне күрәсем.

Кушымта:

Күгәрчен гөрлидер
Баласын уятырга.
Әле ярый дусларым бар
Күңелне юатырга.

Калфагым бар шәлем юк,
Шәл алмыйча хәлем юк.
Сез дусларым хакы өчен
Җырламыйча хәлем юк.

Кушымта.

Алтын булып агаем ла,
Көмеш булып тамаем.
Сез дусларым каршысында
Шәмнәр булып янаем.

Кушымта.

Тәрәз ачып җимнәр сиптем,
Ашагыз, кошкайларым.
Кайгы-хәсрәтләр күрмичә
Яшәгез, дускайларым.

Кушымта.