Нишлим икән?

Йөзләреңдә ялкын булып янар өчен,
Күзләреңнән нурлар булып тамар өчен,
Шул күзләргә тагын бер кат багар өчен,
Нишлим икән,бәгърем, нишлим икән?..

Хисләремне дулкыннарга атыйм микән,
Әллә синнән еракларга качыйм микән?
Күңелемнән сине ничек алыйм икән,
Нишлим икән, әйтче, нишлим икән?
Күңелемнән сине ничек алыйм, иркәм?
Нишлим икән,әйтче, нишлим икән?

Нигә күрдем таңдай якты йөзләреңне,
Ник тыңладым сөям дигән сүзләреңне?
Онытам алмыйм сагыш тулы күзләреңне,
Нишлим икән, бәгърем, нишлим икән?