Өмірдің көп талғамы [feat Kadem]

Neron (Atyrau Town) feat Kadem (BANDANA)

part 1: Neron

Күнде өзгерістер, өмірдің көп талғамы
Үміттіңде шыдамы көп мың үзіліп, мың жалғанып
Қадамдасамда алға нық, сынақтар шалар жалғандық
Сығырайған шырақтарым, бірде өшіп бірде жанды

Құлыпталмаған сыр сандық, құпияларымыз артық
Айлық қаражатымызды әрі-бері жүрміз тартып
Сұрауымыз күнде артып, амалдарымыз нығайып
Тәуекелмен басқан аяқтарымызда кейде тайып

Жақынымыз болса ғайып сол үшін ғана қол жайып
Тілейміз дұға тәңірден, жоқ секілді болса айып
Біріміз кетс ек байып, қасымызда күн сайын
Жүрген жанды ұмытамыз, біз үшін бәріне дайын

Көңіл аудар бұйымтайың, қажеті жоқ басқасына
Адам үшін жасыл қағаз, бұл ғасырда бас қазына
Сүйіп шертер аспазына, саусақтарыңды қоясын
Ашуды басар музыка деп сабырлыкка тоясың

Қайырмасы:
Жаман жерде байқалатын, жақсы затта кейде байлық
Самал желге шайқалатын, өміріміз кейде қайық
Арманымыз болса каспий, амалымыз жайық
Ұмытқанбыз дұға айтуды, алақанымызды жайып