Монлану

Тулган айга карап, чәчләреңне тарап
Моңсу җырлар ләкин җырлама,
Ак моңнарым булып, яна бер ай тулып,
Мин моңланмыйм, йөрәк моңлана.

Бердәнберем идең, син бәхетем дидең,
Үз бәхетеңә инде соңлама.
Сиңа карыйм да мин, күзем ала алмыйм,
Мин моңланмыйм, җаным моңлана.

Юкка гына түгел, сагышлана күңел,
Ул ашкына ерак юлларга.
Күз яшьләрең яшер, ара ерак хәзер,
Тик моңланма, күңел моңланма.