Torna a Surriento

Vide 'o mare quant'è bello!
Spira tantu sentimento.
Comme tu a chi tiene mente
ca scetato 'o faie sunna'.

Guarda, gua' chistu ciardino;
siente, sie' sti sciure arance.
Nu prufummo accussì fino
dinto 'o core se ne va...

tu dice: "I' parto, addio!"
T'alluntane da stu core...
Da la terra de l'ammore...
Tiene 'o core 'e nun turna'?

Ma nun me lassa',
nun darme stu turmiento!
Torna a Surriento,
famme campa'!

Vide 'o mare de Surriento,
che tesoro tene nfunno:
chi ha girato tutto 'o munno
nun l'ha visto comm'a ccà

Guarda attuorno sti Sserene,
ca te guardano 'ncantate
e te vonno tantu bene...
Te vulessero vasa'.

tu dice: "I' parto, addio!"
T'alluntane da stu core...
Da la terra de l'ammore...
Tiene 'o core 'e nun turna'?

Ma nun me lassa',
nun darme stu turmiento!
Torna a Surriento,
famme campa'!
1904
---------
Versi (неаполитанский диалект): Giambattista de Curtis
Musica: Ernesto de Curtis