Саумы, кояш?!

Мансур Мозаффаров көе
Роберт Әхмәтҗанов сүзләре

Таралды инде болытлар,
Аязды һавалар.
Иделдә зәңгәр дулкыннар
Ярларга кагалар.

Саумы, кояш!
Саумы, иртә.
Исәнме! — диләр,
Иркәли, иркәли җанны
Ягымлы көйләр.

Күтәрдем ак пәрдәләрне,
Карыйм ерак, ерак...
Яшь көннәрем, мәхәббәтем
Кайтты миңа урап.

Саумы, кояш!
Саумы, иртә,
Исәнме! — диләр,
Иркәли, иркәли җанны
Ягымлы көйләр.

Күзләрем карап туялмый
Ямь-яшел кырларга.
Ак пароход гудоклары
Чакыра юлларга.

Саумы, кояш!
Саумы, иртә,
Исәнме! — диләр,
Иркәли, иркәли җанны
Ягымлы көйләр.