Мин дә китәм инде бу яклардан

Бөтенләйгә инде еракларга
Пар аккошлар киткән бу яктан;
Мин дә китәм инде
Шул якларга карап,
Тик үкенмәм микән, үкенмәм?

Мин дә китәм инде бу яклардан
Көймәләрдә ялгыз күлләрдә...
Армас микән кулым,
Талмас микән кулым
Ишкәкләрне ялгыз ишкәндә?..

Ул да минем кебек саргаймасын
Гүзәл кошым минем, аккошым.
Аннан башка бәхтем
Ярты гына минем,
Ничек итеп аны онтасың?!