Ақ жайнақ

Ақ жайнақ деп атыңды анаң қойған,
Ақылың мен ажарың бірдей болған
Талай сұлу өмірде болса-дағы,
Бір өзіңдей сәулем-ау болсын қайдан!

Қайырмасы:
Мен келгенде Ақ жайнақ,
Шай орамал боз бойлап,
Жүрсің бе әлде той тойлап, той тойлап, той тойлап.

Еркелетіп өзіңді бала сынды,
Ұнатамын күлімдеп қарасыңды,
Жақсылардың көңілі алтын сандық,
Сыйластығы, әзілі-ей жарасымды.