Син булмасаң әгәр янәшемдә, Яшәү яме

Нигә сиңа күзем төште әле?
Сагынамын сине, аңлый алмыйм.
Беләсең бит инде син үзеңдә -
Синнән гүзәлләрне таба алмыйм.

Син булмасаң әгәр янәшемдә,
Яшәү яме миңа кем бирә?
Сине сөям бары сине генә.
Иң кәдерле кешем син генә.
Сине сөям, бары сине генә.
Иң кәдерле кешем син генә.

Сөюемне никтер аңламыйсың.
Нигә әле салкын карыйсың?
Бу бормалы тормыш юлларыннан
Синең белән килә барасы.

Син булмасаң әгәр янәшемдә,
Яшәү яме миңа кем бирә?
Сине сөям, бары сине генә.
Иң кәдерле кешем син генә.

Бергә генә без булырга тиеш.
Тик булмасын иде ялгышлар.
Әй, кәдерлем, бары синнән генә
Аермасын иде язмышлар.

Син булмасаң әгәр янәшемдә,
Яшәү яме миңа кем бирә?
Сине сөям, бары сине генә.
Иң кәдерле кешем син генә.