Tempus est Iocundum , Codex Buranus 179 / [Ensemble Unicorn - Ensemble

Carmina Burana 179
Tempus est iocundum, o virgines!
modo congaudete, vos iuvenes!
O! o! totus floreo!     
Refrain: Iam amore virginali totus ardeo,
novus, novus amor est, quo pereo!   
Cantat philomena sic dulciter,
et modulans auditur; intus caleo.
 
O! o! totus floreo!     Refrain 
Flos est puellarum, quam diligo,
et rosa rosarum, quam sepe video.
O! o! totus floreo!     Refrain 
Mea me confortat promissio,
mea me deportat negatio.

O! o! totus floreo!     Refrain 
Mea mecum ludit virginitas,
mea me detrudit simplicitas.

O! o! totus floreo!    Refrain 
Sile, philomena, pro tempore!
surge cantilena de pectore!

O! o! totus floreo!     Refrain 
Tempore brumali vir patiens,
animo vernali lasciviens.

O! o! totus floreo!     Refrain
Veni, domicella, [bad word] gaudio!
veni, veni, pulchra! iam pereo!

O! o! totus floreo!     Refrain