Мин сине ташламам(на башкирском)))

Тыуған яҡҡа ҡайтам әле.
Яҙ булдымы, Инйәремә ҡайтам,
Ҡошсоҡ булып, нурға һөйөнөп.
Йәп-йәш сағым ҡаршы алыр кеүек,
Муйыл сәскәһенә төрөнөп.

Йәй булдымы, ауылыма ҡайтам,
Сәләм биреп өҙәр гөлдәргә.
Осҡон-ялҡын алам Инйәремдән,
Өмөт яға килер көндәргә.

Көҙ булдымы, Инйәремә ҡайтам,
Һарғайғанда урман-ҡырҙары.
Һарыларға һағышырмын микән,
Тыңлағанда әсәй йырҙарын?

Ҡыш булдымы, Инйәремә ҡайтам,
Аҡ ҡар бөртөгөндәй һағынып.
Аҡ ҡар бөртөктәре көрткә сума,
Ә мин торам һине һағынып.