Am

Бутуурдаах олох бутуйар кэмигэр 
Аттыбар өйдуур-өйуур доҕор суоҕар
Тулаайах санаам көмө көрдөһөн тиийэр
Туман быыс нөҥүө саспыт сылларбар.
Дьоллоох эдэр саас үөрүүтүнэн туолбут 
Доҕотторум хара чох харахтара
Курус санааттан аралдьыта сиэтэн,
Билигин да куоттарар буоллахтара.

Хос ырыата:
Үөрбүт-көппүт сааhым үтүө аргыстара 
Билигин саhарбыт хаартыскалар.
Сиргэ кэлэн ааспыт суолум туоhулара 
Куруук эдэр хаалбыт ньургуhуннар.


Сылдьабыт бары тэлээр сэбирдэхтии
Сир киэҥ ньууругар тыаллыын сырсыhан, 
Ким дьолун булан, ким олохтон туораан, 
Киммит быстахха-хаайыыга хараллар.
Истиҥник санааҥ, биирдиилээн ааттыыбын
Уолаттар, кыргыттар ааттаргытын, 
"Ханна5ытый?" диэн ыҥыра сатыыбын, 
Мөссүөннэргитин ытыспар ылларбын.

Арай түүлбэр эhиги миэхэ илэ кэлэҕит, 
Кэми-кэрдииhи, кырдьыыны билбэккит.