Цолайы зараг

Баурнæд уæ, хорз чызджытæ, 
Гоби дæн, къуырма дæн, 
Уымæн æмæ абоны уæнг бинонджын нæма дæн. 

Цæй цы худут,  чызджытæ, 
Саутæ, буртæ, мыдхуызтæ, 
Иууылдæр дзæбæх ‘стут
Стъалытау зæххы стæн. 

Чи ‘рцæудзæн мæ талынг уатмæ, 
Чи йæ срухс кæндзæни? 
Къулсæрæй цымæ мæ номыл
Цавæр чызг лæудзæни?

Цæй цы худут,  чызджытæ, 
Саутæ, буртæ, мыдхуызтæ, 
Иууылдæр дзæбæх ‘стут
Стъалытау зæххы стæн. 

Хызы бынмæ сылгоймæгтæ
Уæд кæмæ кæсдзысты? 
Чындзытæ фыдынд у, зæгъгæ, 
Уæд кæмæй зæгъдзысты? 

Цæй цы худут,  чызджытæ, 
Саутæ, буртæ, мыдхуызтæ, 
Иууылдæр дзæбæх ‘стут
Стъалытау зæххы стæн. 

Боны цъæхæй сау изæрмæ
Хуры тынтæ ахсын
Хуры тынтæй чындзы ног уат
Аив кæнын ахсæв.

Цæй цы худут,  чызджытæ, 
Саутæ, буртæ, мыдхуызтæ, 
Иууылдæр дзæбæх ‘стут
Стъалытау зæххы стæн.