Сан даго кхойкху хьоь, синтем боцуш

Сан даго кхойкху хьоь, синтем боцуш,
БIаьргаша лоьху хьо, гаре сатуьйсуш..
Волахьа, кхачахьа, сан деги везар,
Безаман бIаьрхишца до ас хьоь дехар.. 

Сирлачу седанах лепар ю хьуна,
БIаьстенан зезагах со тарлур ю..
Кхин везар хьо воцург ца оьшу суна,
Сан даго хаьржинарг - хьо цхьаъ ма ву.. 

Хьан дагна йовхо луш, яга ю кийча,
Нагахь хьо безамах дог тешаш хилча.. 
Сатийсар эрна ду, ма ала соьга,
Хьо вовзар ирс хеташ, хьоьжур ю хьоьга..