Oh, are You Sleeping Maggy

Mirk and rainy   is the night
   
There'   no' a staurn in a' the   carry
 
Lightnings gleam a-  thwart the lift
   
And   winds drive wi' winter's   fury


Oh, are ye sleeping, maggie?

Oh, are ye sleeping, maggie?
  
Let me in, for   loud the linn
   
Is   roarin' o'er the warlock c  raigie

Fearfu' soughs the boortree bank
The rifted wood roars wild and dreary.
Loud the iron yett does clank,
And cry of howlets makes me eerie.

Abune my breath I daurna speak
For fear I rouse your waukrife daddie;
Cauld's the blast upon my cheek,
O rise, rise my bonnie lady.

She oped the door, she let him in
He cuist aside his dreepin' plaidie.
'Blaw your warst, ye rain and win'
Since, maggie, now I'm in aside ye.

Now, since ye're wauken, Maggie,
Now, since ye're wauken, Maggie,
What care I for howlet's cry,
For boortree bank or warlock craigie.