Umrim gulzori, bahtim bahori o'zingsan

Umrim gulzori, bahtim bahori o'zingsan,
Sevgi tumori o'zingsan,
Oy bilan quyosh, misoli ko'z qosh o'zingsan,
Olam aro ko'hna mangu yosh.

Toshkent Samarqand, manzilim yo'lim,
Haryon bog'u so'lim, vafoli ko'nglim,
Toshkent Samarqand, erkam qo'msayman,
Izing izlayman, sevib eslayman.

Qaydasan gulim,
Sendadir dilim azizim,
Zebo sevgilim azizim,
Kelgin kutaman,
Gullar tutaman azizim,
Bu dunyoda sensiz netaman.

Toshkent Samarqand, manzilim yo'lim,
Haryon bog'u so'lim,vafoli ko'nglim,
Toshkent Samarqand, erkam qo'msayman,
Izing izlayman, sevib eslayman.