Ne içün rastkeldiñ sen küzde

[bad word] crimeanmusic

Tüşümde körgen soñ men seni
Bir ömür aradım, aradım.
Unutıp vaqıtnı, seneni,
Men seni quşlardan soradım.

Arzuma olamay qavuşıp,
Taqdirniñ şerbetin içkende,
Köksümde araret savuşıp,
Yüregim yarası keçkende...

Ne içün rastkeldiñ sen küzde?
Qaytarmaq mümkünmi baarni?
Dalğalar ökündi deñizde,
Bülbüller terk etti saarni.

Aqrandaş selbiler ne derler,
Men küzde yañıdan yeşersem?
Külmezmi qayalar, dereler,
Bu çağda sevgige baş egsem?

Köksümde gençlikniñ ateşi
Qorlanıp, kül olıp söngende.
Avğanda ömrümniñ küneşi,
Künbatı tarafqa döngende.. [bad word] crimeanmusic