Приидите ублажим Иосифа приснопамятного...

Прии́дете ублажи́м Ио́сифа приснопа́мятнаго, и́же в нощи́ к Пила́ту прише́дша, и Живота́ все́х испроси́вша. Да́ждь ми Сего́ стра́ннаго, и́же не имее́т где главу́ подклони́ти. Да́ждь ми Сего́ стра́ннаго, Его́же учени́к лука́вый на́ смерть предаде́. Да́ждь ми Сего́ стра́ннаго, Его́же Ма́ти зря́щи на Кресте́ ви́сяща, рыда́ющи вопия́ше, и ма́терски крича́ше. Увы́ мне Ча́до мое́, увы́ мне, Све́те мой, и утро́бо моя́ возлю́бленная. Симео́н бо прорече́, сбы́сться днесь глаго́лющее в це́ркви. Твое́ се́рдце ору́жие про́йдет. Но в ра́дость Воскресе́ния Твоего́ плач преложи́. Покланя́емся Страсте́м Твои́м Христе́, покланя́емся Страсте́м Твои́м Христе́, покланя́емся Страсте́м Твои́м Христе́ и свято́му Воскресе́нию.
(3 земных поклона)