Orazym

ORAZYM

Önki batyrlaryň kesbin ýörüden,
Algyrlaryň zyýat erer börüden,
Pilden,  kergedenden,  döwden,   periden
Taýpar çekip, ýan bermer sen, Orazym.

Duşman görse, çykar syýasat bile,
Tuwulga, çaraýna, boz sowut bile,
Ala çakmak tüpeň, arap at bile,
Ýalançyny hoş geçir sen, Orazym,.

Kemine diýr, adamzatdan ýüz görmen,
Ýagşa «ýagşy» diýr men, ýamana «ýaman»,
Mert bile namardy görsem tanyr men,
Sen bir ýalňyz dogan är sen, Orazym.