Осетинский язык

Диктор радио беседует с учительницей осетинского языка из 4-го швейного лицея г. Владикавказа. Два женских голоса.

Диктор: Ирыстоны хъæутæй дзæвгар фæсивæд ахуыр кæны Дзæуджыхъæуы цыппæрæм хуыйæн лицейы. Цавæр дæсныйæдтæ райсынц ам, ахуыры рæстæг фылдæр цæмæ здæхт цæуы æргом, цавæр бынат ахсынц лицейы ахуырадон программæйы ирон æвзаг, ирон æгъдæуттæ — æппæты уыдæтты æмæ ма æндæр ахсджиаг фарстаты тыххæй микрофоны раз дзуры лицейы ирон æвзаг æмæ литературæйы ахуыргæнæг Остаты Дарико.

Дарико: Рæст зæгъгæйæ, хъæутæй цы фæсивæд æрбацæуы, уыдон хуыздæр зонынц, хуыздæр арахсынц ирон литературæ, æвзаг дæр хуыздæр зонынц горæтæй. Горæт горæт у, (æ)стæй скъолаты кæд бынтон хорз ахуыргæнджытæ кусынц, уæддæр сывалон бинонты 'хсæн мадæлон æвзагыл куы нæ дзура, уæд (æ), кæй зæгъын æй хъæуы, дзæбæх нæ сахуыр вæййы, зонгæ дæр нæ фаг кæны.