Осетинский язык 2

Диктор радио и учительница осетинского языка (женские голоса). Завершающая часть передачи.

Дарико: Ис нæм ахæм сывæллæттæ, 'мæ йæ куы фæрсай, кæм уыдтæ, зæгъгæ, уæд фæзæгъынц (æ) сæ хæдзарæй, сæ фатерæй дарддæр никуы уыдысты: скъола, фатер. Аууыл архайæм, 'мæ ныййарджытæн цæ бон цы нæу рæттын, уый хъуамæ рæттæм мах, ахуыргæнджытæ. Иуæй-иу мадæлтæ вæййынц, 'мæ ссæуынц, бафæрсынц... иуæй-иу мадæлты та бындзæр уынгæ дæр никуы фæкæнæм. Цалынмæ тыхæй-тыхæй фæзæгъæм, райсом скъола... ахуырмæ не 'рбацæуыдзынæ, дæ мады куы нæ 'рбакæнай, уæд. Æппындæр ныййарджытæн сæ зæрдæ нæ риссы сæ сывæлæтты сомбоныл, нæ риссы. Æмæ уый у канд горæты нæ, хъæуты дæр афтæмæй 'рбауайынц, куы сæм кæсай, уæд. 

Диктор: Дарикойы уайдзæф, чи зоны, кæмæдæрты æгæр карз фæкæсдзæн, уæлдайдæр фиппаинаг кæмæ хауы, уыцы ныййарджытæм, стæй иуæй-иу æрыгон чызджытæм. Фæлæ нæ рæдыд кæрæдзийæн куы нæ дзурæм, нæ царды рæсугъддæр фæтк æмæ æгъдæуттыл, нæ дзæбæх фæсивæды хуыздæр сомбоныл нæхæдæг куы нæ аудæм, куы нæ батыхсæм, уæд чи?