Минус

Ак чәчәкләр, ап-ак язлар микән?
Ак өметләр микән көзләрдә?
Аклык эзләп,аклык күзләп үткән
Гомер үзе нинди төсләрдә?

Ак гөлләрдән җан җылысы алып
Йөрәкләргә саласы иде.
Ак чәчәкләр кебек ап-ак булып
Саф күңелле каласы иде.

"Яшәү" дигән татлы сүзгә сыйган
Сер ачкычы кайда,кем белә?
Таң күгеннән гуя безнең гомер
Чык тамчысы булып түгелә.

Гомер таҗы, исә ачы җилләр
Җаннар елый шулчак,нишләргә?
Ак чәчәкләр йолдыз булып яна
Өмет нуры сүнгән кичләрдә.