Чагган харнын кылагары

Шагда дүшкен черде чыдар
Чагган харның кылагары
Хорагайның чаражы дег
Ховар өңүн топтап олур мен

Сактырымга чамдыктары
Шагда сени коргеним дег
Карактарың, долбаннары
Кандыг ийик, оларныы дег

Чыварлыгда кыштың соогу
Чажыттарын чажа берди
Сагыш-сеткил бо хүн менде
Чайгаар-сергек болганым ол бе

Энчек кылдыр арыг харны
Эжим-кыска белек кылдыр
Сеңээ барып чедирейн бе
Сеткилимниң белээ-ле дир!